Wanted

Educational Qualification: Any Degree Skills

• Good communication and Interpersonal skills

• Honest and Trustworthy

• Adaptability & Planning skills

• Smart worker

• Flexibility

• Teamwork

Salary: As per the company norms.

Email Id: sanakkiyan007@gmail.com

Contact No: 97897 75758

Address:

Turining Point Youth Welfare Foundation,

148,Rajaram Nagar,Tamil Sangam Road,

Anna Park Backside Road,Salem-636007

TPYWF Members Wishes you a Happy Dwali..!

The Donkey

விடாமுயற்சி
=============
ஒரு விவசாயி வளர்த்து வந்த வயதான பொதி சுமக்கும் கழுதை ஒன்று தவறி அவன் தோட்டத்தில் உள்ள வறண்ட கிணற்றில் விழுந்துவிடுகிறது. உள்ளே விழுந்த கழுதை அலறிக்கொண்டே இருந்தது. அதை எப்படி கிணற்றிலிருந்து வெளியேற்றி காப்பாற்றுவது என்று அவன் விடிய விடிய யோசித்தும் ஒரு யோசனையும் புலப்படவில்லை.

காப்பாற்ற எடுக்கும் எந்த முயற்சியும் அந்த கழுதையின் விலையை விட அதிகம் செலவு பிடிக்ககூடியதாக இருந்தது. அந்த கிணறு எப்படியும் மூடப்பட வேண்டிய ஒன்று. தவிர அது மிகவும் வயதான கழுதை என்பதால் அதை காப்பாற்றுவது வீண்வேலை என்று முடிவு செய்த அவன், கழுதையுடன் அப்படியே அந்த கிணற்றை மூடிவிடுவது என்று முடிவு செய்தான்.

அக்கம் பக்கத்தினரை உதவிக்கு கூப்பிட அனைவரும் திரண்டனர். சற்று அருகில் இருந்த ஒரு மண் திட்டிலிருந்து மண்ணை மண்வெட்டியில் அள்ளி கொண்டு வந்து அந்த கிணற்றில் அனைவரும் போட ஆரம்பித்தனர். கழுதை நடப்பதை உணர்ந்து தற்போது மரண பயத்தில் அலறியது. ஆனால் அதன் அலறலை எவரும் சட்டை செய்யவில்லை. இவர்கள் தொடர்ந்து மண்ணை அள்ளி அள்ளி கொட்ட கொஞ்சம் நேரம் கழித்து அதன் அலறல் சத்தம் அடங்கிவிட்டது.

ஒரு பத்து நிமிடம் மண்ணை அள்ளி கொட்டியவுடன் கிணற்றுக்குள்ளே விவசாயி எட்டிப் பார்க்க, அவன் பார்த்த காட்சி அவனை வியப்பிலாழ்த்தியது. ஒவ்வொரு முறையும் மண்ணை கொட்டும்போது, கழுதை தனது உடலை ஒரு முறை உதறிவிட்டு, மண்ணை கீழே தள்ளி, அந்த மண்ணின் மீதே நின்று வந்தது.

இப்படியே பல அடிகள் அது மேலே வந்திருந்தது. இவர்கள் மேலும் மேலும் மண்ணை போட போட கழுதை தனது முயற்சியை கைவிடாது, உடலை உதறி உதறி மண்ணை கீழே தள்ளி தள்ளி அதன் மீது ஏறி நின்று வந்தது.

கழுதையின் இடைவிடாத இந்த முயற்சியால் அனைவரும் வியக்கும் வண்ணம் ஒரு வழியாக கிணற்றின் விளிம்பிற்கே வந்துவிட்டது.
விளிம்பை எட்டியவுடன் மகிழ்ச்சியில் கனைத்த கழுதை ஒரே ஓட்டமாக ஓடி தோட்டத்திற்குள் சென்று மறைந்தது.

வாழ்க்கை பல சந்தர்ப்பங்களில் இப்படித் தான் நம்மை படுகுழியில் தள்ளிக் குப்பைகளையும், மண்ணையும் நம் மீது கொட்டி நம்மை சமாதி கட்ட பார்க்கும். ஆனால் நாம் தான் இந்த கழுதை போல தன்னம்பிக்கையும் விடாமுயற்சியும் கொண்டு, அவற்றை உதறித் தள்ளி மேலே வரவேண்டும்.

நம்மை நோக்கி வீசப்படும் ஒவ்வொரு கல்லையும் சாமர்த்தியமாக பிடித்து படிக்கற்க்களாக்கிக் கொள்ளவேண்டும், எத்தனை பெரிய குழியில் நீங்கள் விழுந்தாலும்.. “இத்தோடு நம் கதை முடிந்தது” என்று கருதாமல் விடாமுயற்சி என்ற ஒன்றைக் கொண்டு நீங்கள் நிச்சயம் மேலே வரலாம்.

“நீங்கள் எதுக்குள்ளே விழுந்தா என்ன, உங்க மேல எது விழுந்தா என்ன?

எல்லாத்தையும் உதறிட்டு, நம்பிக்கையுடன் செயல்படுங்கள்.

Founder

Energy Tonic

நம் வாழ்வில் நாம் உயர்வடைய, உன்னதமான இடத்தைப் பிடிக்க, இலக்கு அமைத்துக்கொள்ள வேண்டும். எந்த ஒன்றையும் அடைய வேண்டும் என்ற குறிக்கோளும் அடுத்த கட்ட முயற்சியும்தான் நம்மை மேம்படுத்தும்.இரண்டு நண்பர்கள் ஏரிக்கரையில் நடந்து சென்றுகொண்டிருந்தார்கள்.

அந்த ஏரியில் மீன்கள் துள்ளும் அழகை ரசித்தபடி கடந்தார்கள். ‘‘ஏரியில் மீன்களைப் பார்த்தாயா?’’ என்று ஒருவன் கேட்டான்.‘‘ஆமாம்’’ என்றான் இன்னொருவன். உரையாடல் தொடர்ந்தது.‘‘அவை மகிழ்ச்சியுடன் துள்ளி விளையாடிக்கொண்டிருக்கின்றன.’’

‘‘நீயென்ன அந்த மீனா?’’‘‘இல்லை.’’

‘‘அப்படியென்றால் அவை சந்தோஷமாக இருக்கின்றன என உனக்கு எப்படித் தெரியும்?’’ என்று மடக்கினான் ஒருவன்.‘‘நீ நீதானே. நான் இல்லையே’’ என்று பதிலுக்குக் கேட்டான் இன்னொருவன்.

‘‘ம்...’’‘‘அப்படியெனில் மீன்கள் மகிழ்ச்சியாக இருக்கின்றன என நான் உணர்ந்ததை உன்னால் எப்படி உணர முடியும்?’’ உண்மைதானே! நம்மை நம்மால் மட்டுமே உணரமுடியும். நம்மை நாமே உணர்ந்தால்தான் நம் இலக்குகளை நிர்ணயிக்க முடியும்.

இலக்குகளை நிர்ணயித்தால்தான் அதை நோக்கிப் பயணம் செய்யப் பாதையைக் கண்டடைய முடியும். பாதையைக் கண்டடைந்தால் மட்டும் போதாது. அந்தப் பாதையில் பயணம் செய்வதற்கேற்ப நம்மை நாமே மேம்படுத்திக்கொள்ளவும் வேண்டும். அதாவது, அப்டேட் செய்துகொள்ளுதல் மிக அவசியம்.

மீண்டும் மீனையே எடுத்துக்கொள்வோம். நாம் சிறிய தொட்டி ஒன்றில் வாழும் மீன். நம் இலக்கு, பெருங்கடலை அடைவது. சிறிய தொட்டியிலிருந்து விட்டு விடுதலையாகும் வழியைக் கண்டறிந்து, பிரமாண்டமான கடல் எனும் வெற்றியை நோக்கிப் பயணம் செய்ய வேண்டும்.

முடியுமா? முடியும். அதற்கேற்ப நம்மை மாற்றிக்கொண்டால் நிச்சயம் முடியும். இங்கே மாற்றிக்கொள்ளுதல் என்பது நம் இலக்கு களின் தேவைக்கேற்ப அறிவை வளர்த்துக் கொள்வது. உலகின் வேகத்துக்கேற்ப, காலத்தின் அவசியத்திற்கேற்ப நம் திறனை மேம்படுத்திக்கொள்வது. சலிப்பில்லாமல் விடாமுயற்சியைத் தொடர்வது.

தொட்டி மீனாகிய நாம், துள்ளிக் குதித்து ஒரு சிறிய குட்டைக்குள் விழுகிறோம். அங்கிருந்து குதித்து ஓரளவு பெரிய குளத்தில் விழுகிறோம். அடுத்த கட்டம் நீரோட்டம். ஒரு சிறிய ஓடைக்குள் நீந்தத் தொடங்குகிறோம். சிறிய ஓடை பெரிய வாய்க்காலாக விரிகிறது. அதன் ஓட்டத்திலும் தாக்குப் பிடித்து, சலசலவென ஓடும் நதியை அடைகிறோம். நதியிலும் நாசூக்காகப் பயணித்து நம் லட்சியமான கடலை அடைகிறோம்.

அதுதான் வெற்றி.‘தொட்டியே உலகம்’ என்று முடங்கும் மீன், என்றைக்குமே கடலை அறியப் போவதில்லை. அடையப் போவதில்லை. ஆனால், கடலை இலக்காக நிர்ணயித்த மீன், எதற்கும் தயாராக இருக்க வேண்டும்.

சிறிய, ஓட்டமே இல்லாத நீர்ப்பரப்பில் வாழ்ந்து பழகிய அந்த மீன், பெரிய நீர்ப்பரப்புக்கேற்ப, நீரோட்டத்திற்கேற்ப தனது நீந்தும் திறனை வளர்த்துக்கொண்டேயிருக்க வேண்டும். சலிப்பின்றி நீந்திக்கொண்டேயிருக்க வேண்டும்.அப்போதுதான் தொட்டுவிடும் தூரத்தில் கடல் கிட்டும்.

தாமஸ் ஆல்வா எடிசன் மின்விளக்குகளைத் தயாரிப்பதற்காக ஆராய்ச்சியில் ஈடுபட்டிருந்த சமயம் அது. மின்விளக்குகளின் மையத்தில் மெல்லிய மூங்கில் இழைகளை வைத்து சோதனை செய்தார். அவை நன்றாக எரிந்தன.

அந்த வகை மூங்கில்கள் தெற்காசிய நாடுகளில் கிடைப்பதாகக் கேள்விப்பட்டார். அவற்றைச் சேகரித்து வருவதற்காக ஜேம்ஸ் ரிகால்டன் என்ற புவியியல் ஆசிரியரை அனுப்ப முடிவு செய்தார். அவரது பயணம் ஆபத்து நிறைந்ததென்பதால் அவருக்கு 1500 டாலர் இன்சூரன்ஸ் தொகையாகக் கொடுப்பதற்கு எடிசன் சம்மதித்தார்.

மாதிரி மூங்கிலுடன் ஜேம்ஸ் தன் பயணத்தைத் தொடங்கினார். முதலில் இங்கிலாந்து, அங்கிருந்து சூயஸ் கால்வாய் வழியாக சிலோன் சென்றார். அங்கே அவருக்குச்  சிலவகை அரிய ராட்சச மூங்கில்கள் கிடைத்தன.

பின் தென் இந்தியாவில் பல இடங்களுக்குச் சென்றுவிட்டு கல்கத்தா வந்தார். அங்கும் பலவகை மூங்கில்கள் கிடைத்தன. அங்கிருந்து ரங்கூன் சென்றார். அப்புறம் சீனா வழியாக ஜப்பான் சென்றார். அங்கே காட்சிக்கு வைக்கப்பட்டிருந்த பலவகை மூங்கில்களில், தேவையானவற்றை வாங்கி ஒரு கப்பலில் அனுப்பி வைத்தார்.

மீண்டும் 14 நாட்கள் பசிபிக் கடலில் பயணம் செய்து சரியாக ஒரு வருடம் கழித்து, புறப்பட்ட அதே இடத்துக்கு அதே மணியில் அதே நிமிடத்தில் வந்து சேர்ந்தார் ஜேம்ஸ்.மறுநாள் ஜேம்ஸ், தான் சேகரித்த பல அரிய வகை மூங்கில்களோடு எடிசனைப் பார்க்கச் சென்றார். வரவேற்பு பலமாக இருக்கும் என்று நினைத்த ஜேம்ஸுக்கு ஏமாற்றமே மிஞ்சியது. ‘‘வாருங்கள், மூங்கில் கிடைத்ததா?’’ என்று ஒரு கேள்வியைச் சம்பிரதாயத்துக்குக் கேட்டார் எடிசன்.

‘‘பல அரிய வகை மூங்கில்களைக் கொண்டு வந்துள்ளேன். எது தேவைப்படும் என நீங்கள்தான் ஆராய்ச்சி செய்து சொல்ல வேண்டும்’’ என்றார் ஜேம்ஸ்.சற்றே அவரைத் தலை தூக்கிப் பார்த்த எடிசன், ‘‘நீங்கள் இல்லாதபோது செயற்கை கார்பன் இழை ஒன்றைக் கண்டு பிடித்துவிட்டேன். மூங்கில்களைவிட அது மிகச் சிறப்பாகப் பயன்படுகிறது.

அதிகம் தாக்குப் பிடிக்கிறது. செலவும் குறைவு. அலுவலகத்தில் சொல்லியுள்ளேன். போய் உங்களுக்குச் சேர வேண்டிய பணத்தைப் பெற்றுக்கொள்ளுங்கள்’’ எனப் பதிலளித்துவிட்டு தன் வேலைகளில் மூழ்கினார் எடிசன்.மூங்கில் சேகரிப்பதற்கென்று மட்டுமே எடிசன் பல ஆயிரம் டாலர்களுக்கு மேல் செலவு செய்திருந்தார். ‘ஜேம்ஸ் மூங்கில் கொண்டு வரட்டுமே’ என எடிசன் ஒரு வருடம் வீணாகக் காத்திருக்கவில்லை. ‘இல்லை, நமக்காக அலைந்து திரிந்து கஷ்டப்பட்டு மூங்கில் கொண்டு வந்திருக்கிறாரே அதைப் பயன்படுத்த வேண்டுமே’ என்றும் எண்ணவில்லை.

ஏழைகளுக்கும் பயன்படும் வகையில் மிகக் குறைந்த செலவில் மின் விளக்கைக் கண்டுபிடிக்க வேண்டும் என்பது மட்டுமே எடிசனின் நோக்கமாக இருந்தது. அதை நோக்கி மட்டுமே செயல்பட்டுக்கொண்டிருந்தார். மூங்கில் இழைகளைவிட அதிக திறனுள்ள, மலிவான செயற்கை கார்பன் இழைகளைத் தயாரிக்க முடிந்ததால் அதைப் பயன்படுத்திக்கொண்டார். செலவு செய்துவிட்டோமே என மூங்கிலைக் கட்டிக்கொண்டு அழவில்லை.

‘உலகுக்கு எது தேவையோ அதைக் கண்டுபிடி!’ என்பதே எடிசனின் தேடல் மொழி.உலகின் தேவைக்கேற்ப தன் அறிவை, தேடலை, கண்டுபிடிப்புகளை அப்டேட் செய்து கொண்டே இருந்தார் எடிசன். உலகின் நம்பர் 1 கண்டுபிடிப்பாளராக எடிசன் இன்றும் கொண்டாடப்படுவதற்குக் காரணம் இதுவே. ஆகவேதான் எடிசனின் கண்டுபிடிப்புகள் பலவும் நவீன கண்டுபிடிப்புகள் பலவற்றின் தாயாக விளங்குகின்றன.

நம்மால், ஆல்வா எடிசனாக முடியாது. ஆனால், அவரைப் போல உலகின் தேவையறிந்து நம் திறனை மேம்படுத்திக்கொண்டு ‘அப்டேட் எடிஷனாக’ முடியும். தொட்டி மீன், கடல் மீனாக மாறுவதற்கு அதுவே அவசியத் தேவை.‘தொட்டியே உலகம்’ என்று முடங்கும் மீன், என்றைக்குமே கடலை அறியப் போவதில்லை. அடையப் போவதில்லை. ஆனால், கடலை  இலக்காக நிர்ணயித்த மீன், எதற்கும் தயாராக இருக்க வேண்டும்.

Six month training opportunities:NII

NIIல் குறுகிய காலப் பயிற்சிகள் :

M.Sc., M.Tech. படித்தவர்கள் விண்ணப்பிக்கலாம்.

புதுடெல்லியிலுள்ள தேசியத் தடுப்பாற்றலியல் நிறுவனம் (National Institute of Immunology) முதுநிலைப் பட்டப்படிப்பு படித்துவரும் மாணவர்களுக்கு அவர்களின் திட்டப்பணிகளுக்கு உதவும் 6 மாத காலக் குறுகிய பயிற்சியினை வழங்கிவருகிறது.

* பயிற்சிக் காலம்:ஒவ்வொரு ஆண்டும் ஜனவரி - ஜூன் மாதம் வரை முதல் அமர்வாகவும், ஜூலை - டிசம்பர் இரண்டாம் அமர்வாகவும் இரண்டு பயிற்சிக் காலங்களாகப் பிரிக்கப்பட்டுள்ளது.

* கல்வித்தகுதி:M.Sc., M.V.Sc., M.Tech போன்ற முதுநிலைப் பட்டங்களில் முதலாம் ஆண்டு பயிலும் மாணவர்களும், ஒருங்கிணைந்த முதுநிலைப்பட்ட மாணவர்களும் (Integrated Master Students) விண்ணப்பிக்கலாம். பயிற்சிக்கு விண்ணப்பிப்பவர்கள் 10ம் வகுப்பு முதல் பட்டப்படிப்பு வரை நடைபெற்ற முக்கியத் தேர்வுகளில் முதல் வகுப்பு தேர்ச்சி (அ) 60% மதிப்பெண்களுக்குக் குறையாமல் பெற்றிருக்க வேண்டும்.

தகுதியுடைய மாணவர்கள் தங்களின் கல்வித் திறன், தேர்வு மதிப்பெண்கள், பயிற்சி பெற விரும்பும் காலம் போன்றவற்றைக் குறிப்பிட்டுக் கல்லூரியின் துறைத் தலைவர் பரிந்துரையுடன் விண்ணப்பத்தை academic@nii.ac.in எனும் மின்னஞ்சல் முகவரிக்கு அனுப்ப வேண்டும். மின்னஞ்சலில் Subject: எனுமிடத்தில் Six month Trainee application என்று குறிப்பிட வேண்டும்.

விண்ணப்பத்தின் அச்சு நகல்களை (Hard Copy) ‘Administrative Officer, Academic Cell, National Institute of Immunology, Aruna Asaf Ali Marg, New Delhi-110067’ எனும் முகவரிக்கு அஞ்சலில் அனுப்பித் தர வேண்டும். கல்லூரியின் துறைத்தலைவர்கள், தங்கள் துறைக்கு 2 மாணவர்களை மட்டுமே பரிந்துரைக்கலாம்.

* விண்ணப்பிக்கும் காலம்:ஜனவரி - ஜூன் முதல் அமர்வுக்கான பயிற்சிக்கு ஆகஸ்ட் 15 - செப்டம்பர் 15, 2016க்குள்ளும், ஜூலை - டிசம்பர் இரண்டாம் அமர்வுக்கு பிப்ரவரி 15 - மார்ச் 15, 2017க்குள்ளும் விண்ணப்பிக்க வேண்டும். முதல் அமர்வுக்குத் தேர்வானவர்களுக்கு அக்டோபர் 31 தேதியிலும், இரண்டாம் அமர்வுக்குத் தேர்வானவர்களுக்கு ஏப்ரல் 30 தேதியன்றும் தகவல் தெரிவிக்கப்படும். ஒவ்வொரு ஆண்டும் பயிற்சிக்குத் தேர்வாகும் மாணவர்களின் எண்ணிக்கை நிறுவனத்தின் தேவையைப் பொறுத்தது. தங்குமிடத்திற்கான பொறுப்பு மாணவர்களைச் சார்ந்தது.

* கூடுதல் தகவல்கள்:பயிற்சி குறித்த மேலதிக விவரங்களைத் தெரிந்துகொள்ள http://www.nii.res.in/academics/short-term-training இணையதளத்தைப் அணுகலாம்.